Zoeken

-->

Dichter op de doorwinterde wandelaar

Nog steeds aan het nagenieten van de Noorder Rondtochten? Lees persoonlijke verhalen van bijzondere deelnemers op http://noorderrondtochten.wordpress.com/.

5 reacties op “Dichter op de doorwinterde wandelaar

  1. Moi lu, t zit erop. Vaair doage achter n kander op bainewoagen deur t grunNEGER plattelaand pokkeln. Ale denkboare weersomstanden mitmokt, dat mokt zo’n tocht juust zo schier. Oflopen dunderdag binve votgoan oet d’Oosterpoort in Stad, deur Loagelaand en bie t Schildmeer langs op Daam ofschontjet. Volop zunne en kroakhelder, snij op velden en gebaauwen, t kon nait beter begunnen. Noa ofloop dee alles zeer, dat wel.

    Twaide dag, Daam(Appingedam)-Oethoezen, was alles inpakt in dikke dook. En t vroor. En din wait je, dat is roege vorst en din krieg je riep aan bomen, stroeken en strewailn. En aan bozzen hoar, zoas ik dus.
    Wat is dat ontzettend schier om dat te zain gruien aan takkerij, riep wordt aal dikker, menskes begunnen aal meer op spouken te lieken. En dook mokt alles leutjet, sliere lopers löst op in t niks, evenas stroomdroaden boven joen kop. En geluud van boetenwereld is der sikkom nait, körtom, bist even allain of mit n stok-of-wat op wereld. En toun………kwam zunne derbie. Oogverblindend schier wast din te zain krigst. As je intussen din ook nog deurbentern over trekweg, fietspad, wegen en loantjes, bie stempelposten en kouke-en-zopie(zoepen veur n kopie), hoogholtjes en vuurpotten langs, din binje op enne veurdat je t waiten. Stonje zomor weer in dij aandere wereld van jachten en joagen. t Enne is nooit zo schier din de weg der noar tou. En bainen din, heur k joe vroagen? Op t gebroekelke gejeuzel van strengen noa, gain cent piene.

    Daarde dag, Oethoezen-Winsum, n dikke poeste wind en gain zunne en roukold. Even n versneln hoger en zulfs dij sniedende noordooster krigt joe nait klaain. Gelukkeg haarn we wind in rogge. Veuraal bie de zotterdag-en zundaglopers was t gejeuzel over t weer nait van d’locht. Vaairdoagselopers wazzen intied aal deurwinterd, heurdest ze naargens over. Tocht was diz keer nait zo laank, 25 km ‘mor’.
    Lu-aan-kaante van weg kommen non ook n beetje lös en moudegen de lopers aan mit haandjeklappen, n zeupke en zulfs mit poffert. Doar dou je t toch veur! En vuurkörven overal langs kaante van weg.

    Vaairde dag(gain ZUNdag), Winsum-Zoltkaamp-Baffelt, regen,regen,regen. Mor goud, wie zeln nait jeuzeln. n Poar druppen wotter kriegen ons der nait meer onder, wie binnen goud deurvroorn in veurgoande doagen. t Ainege noadail is dat “wotterdichte schounen en boksem” NAIT zo wotterdicht binnen as belooft. Mit natte bainen wil nog, mit natte vouten wordt minder. Gelukkeg veur ons wer t noa Zoltkaamp dreuge en konve dreuge sokken aantrekken. Even veur Zoltkaamp ging op Ulrom aan over graspad van kilometer of twije. Stuur doezend lu over n bevroren loane, woar t net d’heule mörn op regend het, din hejje bragel tot achter d’oren zitten. En dat twij moal, weeromweg ging t over zulfde strekke. Hou t kin, wait ik nait, mor sommegen zat t klaai tot in t kruus. Regen holde lu-aan-kaante op enkelde noa in hoes, bie stempelposten was t aaltied beregezelleg. Din konje even van bainen of, de strengen even locht geven en stoetje of aanswat eten, sokkeloamelk of n kop-vol-kovvie drinken. Haalfweg Zoltkaamp-Menskeweer, regen was opholn te regen, was n stempelpost nait opwozzen tegen staarke wind dij intussen opstoken was. Elkinain aan stokken hangen om tente nait weg te loaten waaien.
    Diz keer konve deur gehuchten woar k nog nooit van heurd heb, vlak veur Baffelt(Baflo) liggen Eernshaaim(Ernstheem) en Leutje Soaksem(Lutke Saaxum). En din stonve zomor in Baffelt, lopen we onder ereboge deur, konve op foto, geven we mekander n dikke smok en kinve onze dikverdainde prane mous of stampot knoln hoaln. Onder t genot van pokkelörgelmeziek, twij man staark, mous noar binnen waarkt en din mot t aal weer op traain aan. Op noar Stad, woar t aalmoal begonnen is. Traain was aal dij vaair doage veur niks, ale startploatsen wazzen beriekboar mit de zug.

    Aal mit aal is t ontzettend mitvaaln wat bainen betreft, t went vanzulf, gewoon deurlopen. Wie hebben n heule schiere vaair doagen mitmokt en dit smokt vanzulf noar meer. Over drij joar is de volgende tocht langs moarn en meern. Hejje nog even tied veur n poar loopkes veurof. Op YOU-TUBE stonnen filmkes van de Noorderrondtochten 2013. Bekiek t mor ais, kinje mit genieten.

    Woar wie dit aalmoal veur doan hebben? Veur n snee zoepen en hoanaai. En veur zo’n schiere, glimmende, vetleern medallie.

    En non n poar doage van bainen of, op noar t veujjoar. Vanoet Haarkstee, mit bainen op toavel.

    Pia en Willem.

  2. Fantastische beleving met zeer weinig dissonanten; niet alleen het weer was 3 dagen goed ook de ontvangst overal was hartverwarmend en hongerstillend. Diverse start -en finishplaatsen waren actief geweest met allerlei ludieke acties. Prima sfeer onderling en de uitstekende organisatie zorgde voor een wandelactiviteit die naar meer smaakt. 3 jaar wachten is lang…….

    P.S. Als ik dan toch een punt van kritiek mag aanvoeren dan graag een betere startlocatie voor Winsum. Veel te weinig ruimte voor zoveel lopers.

    Voor het overige: Mijn grootste complimenten

  3. Ik heb alleen de zondag mee gelopen door tijdgebrek,maar het was geweldig.En goed georganiseerd.En het eten na die tijd was heerlijk.Mijn complimenten voor de organisatie.Bedankt.:)

  4. Wij hebben alle 4 dagen gelopen en wat was het geweldig. Natuurlijk speelde het weer hier ook een grote rol in.Voor de eerste keer was dit natuurlijk perfect. Maar ook de tocht was heel mooi. Hebben erg genoten ook met andere lopers ,lopers die wij wel eens gezien en gesproken met b.v Tocht om de Noord. En de sfeer van de koek en zopie was ook echt sfeervol. Eigenlijk zijn wij nog steeds aan het nagenieten van de tocht en kijken wij de sites na voor foto,s. Inmiddels hebben wij een fotoboek laten maken van al die mooie foto,s. Voor een prachtige herrinnering. Nogmaals het was een zeer geslaagde tocht ,en een dank naar de organisatie en de vrijwilligers is dan ook zeer op zijn plaats. Op naar de volgende Noorderrondtocht.

Laat een reactie achter bij Willem Hesseling Reactie annuleren

Uw e-mailadres wordt niet getoond. Verplichte velden zijn gemarkeerd met een rood driehoekje. *

*

De volgende HTML tags en attributen zijn toegestaan: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Aanmelden Nieuwsbrief

Wit u ook op de hoogte blijven van
De Noorder Rondtochten? Meldt u zich dan hieronder aan voor onze gratis nieuwsbrief.

Aanmeldformulier
Uw gegevens:

't Gait deur

Van 26 tot en met 29 januari 2017 vindt de tweede editie van de Groningse winter4daagse plaats! 4 dagen wandelen in winterse sferen op een bijzonder tijdstip en nagenoeg de route van de Noorder Rondritten. Niet voor doetjes, maar een prestatietocht voor de doorgewinterde wandelaar!